Khashkhashaada Galmada Mulkiilaha Gurigu uu Rabo

WAA SHARCI-DARRO

Sharcigu waxa uu quseyn karaa nooyco badan oo guryo ah oo ay ku jiraan guryaha gaarka loo leeyahay, saraha dhaadheer, guryaha la wada leeyahay, guryaha dowlada, gabaadka dadka hoy la’aanta ah.  

Kolka khashkhashaadahu

• Uu kaa codsado shukaansi
• Uu kaa codsato inaad uga bedelato la galmood ama axsaan dhanka galmada kirada
• Uu kuugu hanjabo inuu guriga kaa saaro waayo waxaad diiday inaad la galmooto isaga/iyada  
• Guriga uusan kaa hagaajin waayo waxa aad diiday inaad la galmooto ama waxa aad ku tiri isaga/iyada jooji.  
• Waxa uu kugu yiri adiga hadal ku dareensiiya hanjabaad ama jeclaysi la’aan
• Kuu taabta adiga qaab aadan doonayn oo la xiriira galmada
• Ku kufsada ama ku xooga adiga

Ma quseeyso hadii aad ka qaybqaadatid ama aad diido. Xataa hadii aad iska ogolaatay mar hore inaad galmada lagaa dalbaday aad sameyso, waxaad xaq u leedahay inaad joojiso hadda.

Waxa wax ugu muhiimsani waa amaanka - Waco caawimaad! Haddii lagu xoogo, wac 911. 

• Hadii aadan rabin inaad bilayska u sheegto laakiin aad rabto inaad cid kale la hadasho, wac (Day One Crisis Line) ee1-888-223-1111 ama dhambaal (text) u dir 612-399-9995.
• Waxa aad u dacwoon kartaa Wasaarada Guryaha iyo Horumarinta Beledyada ee U.S. [U.S. Department of Housing and Urban Development (HUD)], Waaxda Xaquuqda Aadanaha ee Minnesota (Minnesota Department of Human Rights) ama hay’ada magaalo. Wac iyaga si aad uga hesho akhbaar ku saabsan waxa la sameeyo. Waxa ay ku baari asktakadaada lacag la’aan. Kiisaska intooda badan waxa aad u baahan tahay inaad ku xareysato dacwda ama qaansheegadka 1 sanno ama marmarka qaarkood 2 sanno gudahood.   

Waaxda Xaquuqda Aadanaha 
MN Department of Human Rights
Griggs Midway Building
540 Fairview Ave N. Suite 201
St. Paul, MN 55104

Housing and Urban Development (HUD)       
Minneapolis Field Office          
212 Third Ave South, Suite 150            
Minneapolis MN 55401           

Telefan: (612) 370-3000 

U.S. Housing and Urban Development (HUD)
 

Labada xafiisba: www.hud.gov 

• Wac qareen si aad ugala hadasho waxyaabaha aad kala dooran karto. Qareenku:
  • Waxa uu kuu soo heli karaa amar maxkamadeed si oo kaa dheereeya khashkhashaadaha adiga  
     
  • Waxa uu ka dagaalami karaa dacwada guri ka saarida ah ee ay qolada gurigu ay xareysatay sababtoo ah jawaabta aad ka bixisay khashkhashaada galmada 
     
  • Waxa uu bilaabi karaa kiis xaquuqda muwaadinka ah (civil rights) waxa uuna ka codsan karaa maxkamada in qolada gurigu ay lacag magdhow ah ku siiso.  

• Waa sharci-darro in qofka aad uga jirto ama shaqaalaha guryahu ay kugu khasbaan inaad la galmooto isaga/iyada oo kuugu hanjabaya inuu guriga kaa saari hadii kale.
   
• Waa sharci-darro in qofka aad uga jirto uu hadal galmada la xiriira oo aadan doonayn kugu yiraa kaa oo ku dariinsiiya caga-juglayn.
   
• Hadii ay ku khashkhashaad dhanka galmada ah ay kugu hayso qolada guriga aad uga jirtaa, u sheeg isaga/iyagu joojiyo.
   
• Qor waxa kugu dhaca inta ay wali ku cusub tahay xasuustaada. Waa muhiim inaad haysato wax qoran.  
   
• Waa sharci-darro in qolada guriga lehi kaaga saarto guriga sababtoo ah waxa aad wacatay bilayska si ay kuu caawiyaan.

Waxa aad xaq u leedahay in khashkhashaada galmada ah aan lagugu sameyn.

Ka wac xafiiska gargaarka sharciyada (legal aid) ee deegaankaaga 1-(877) 696-6529.

Ama ka eeg caawimaad barnaamijyadda kale ku jira barta: www.lawhelpmn.org/so/providers-and-clinics.

Gal www.LawHelpMN.org/so si aad uga hesho macluumaad kale oo ku saabsan xaquuqada xaqqa guryaha iyo khayraadyo.