Niam Txiv Hluas Cov Cai

Tsis yog. Tsis nrho koj tawm vim koj muaj tus menyuam. “Emancipation” txhais tias koj lav tau koj tus kheej rau tej txoj kev koj ua thiab koj niam thiab txiv tsis khoo thiab nrog koj nyob lossis txiav txim siab rau koj lawm. Nws tsis txhais tias koj muaj tagnrho cov cai li tus neeg muaj hnub nyoog. Cov cai txog “emanipation” totaub nyuaj. Yog koj nyob hauv Hennipen County thiab xav paub ntxiv txog qhov no, hu rau Youth Law ntawm Mid-Minnesota Legal Aid (612)332-1441. Yog koj nyob lwm lub nroog, hu koj lub legal aid hoob kas hauv zos ntawm 1 (877) 696-6529. 

Saib peb daim ntawv tseeb Kev Ywj Siab. 

Tsis tau! Koj tsuas tsiv tawm tau yog koj niam thiab txiv lossis tus muaj cai saib xyuas koj tso cai,  muaj 18 xyoo, mus ua thab ham, lossis tsev hais plaub tso cai.

Yog koj yau dua 18 xyoo thiab tsiv tawm, tej zaum koj yuav tsis tau txais tau MFIP, tabsis nws muaj tej qho zam tau. Saib peb daim ntawv tseeb MFIP rau cov Niam Txiv Tsis Tau Muaj 18 Xyoo. Tsis tas li ntawd, nrog koj tus neeg ua haujlwm muab nyiaj tham.  

Yog koj lossis koj tus mos liab raug ua phem rau lossis raug mob, koj muaj cai tshwj xeeb.  Nrog tus kws lij choj tham. 

Txawm yog tias koj yau dua 18 xyoo thiab nyob hauv tsev los koj niam tsis muaj “cai” rau koj tus menyuam. Koj muaj txoj cai los txiav txim siab rau koj tus menyuam lub neej.  Koj muaj cai txiav txim siab txhua yam tseem ceeb thiab tus menyuam nrog koj nyob. Yog koj luag haujlwm los saib xyuas tu tus menyuam.  Qhov no tsuas hloov tau yog tsev hais plaub tso cai rau tus menyuam mus nrog lwm tus nyob.

Yog niam thiab txiv tsis sib yuav thaum yug tus menyuam, ces leej niam yog tus txiav txim siab lub npe hauv daim ntawv yug. 

• Hu rau tub ceevxwm thiab tus neeg yuav raug foob lub txim ntaus neeg. 
   
• Koj ua tau daim Ntawv Tiv Thaiv (OFP) qhia kom tus neeg ua phem txav deb ntawm koj thiab koj tus mos liab.  Koj tsis toobkas tus kws lij choj mus ua daim ntawv OFP.  Mus tim koj lub nroog tsev hais plaub lossis hoobkas ua phem rau tsev neeg kom lawv pab.  Lossis koj hu rau 2-1-1 thoob xeev los nrhiav lub hoobkas nyob ze koj.  Daim ntawv OFP teem tau seb leejtwg tau menyuam thiab kev saib menyuam. 
  
  Saib peb daim ntawv tseeb Ntawv Tiv Thaiv thiab Ntawv Txwv Tsis Pub Thab Los Ze.

  Nrhiav ntaub ntawv thiab txuas txog cov ntawv nyob vas sab ntawm www.lawhelpmn.org/forms.  

• Nrhiav “Abuse and Harassment”
• Nias rau “Order for Protection Against Domestic Violence”

• Nias rau “Hmong/Hmoob” 
  
  Ua ntaub ntawv hauv computer lossis nqa daim ntawv ua tiav mus rau tim tsev hais plaub.

• Zoo yog nrhiav kws lij choj kom pab muab tswv yim. Yog koj nyob hauv Hennepin County hu rau Youth Law Project ntawm Mid-Minnesota Legal Aid (612) 332-1441. Yog koj nyob rau lwm lub nroog, hu koj lub legal aid hoob kas hauv zos ntawm 1(877) 696-6529. 

Feem ntau, cov pojniam tau nyiaj tsawg tau kev pab MA thaum cev xeeb tub. Yog koj tau MFIP, ces koj cia li tau MA thiab. MA them rau tagnrho cov nqi mus ntsib kws kho mob, kev kho mob xwm ceev, tshuaj thiab yug menyuam. Yog koj tsis muaj feem tau MA, nug txog lwm lub khooskas xws li Children’s Health Plan thiab Minnesota Care. 

Yog koj yau dua 18 xyoo, nyob hauv tsev, thiab koj niam thiab txiv tau nyiaj tshaj qhov teem tseg, tej zaum koj tsis tau MA. Yog koj niam thiab txiv muaj isalas kho mob, xyuas seb nws puas them rau koj lossis koj tus mos liab.

Yog koj tsis yog neeg xam xaj U.S., koj yuav tsum nrhiav kevcai lij choj ntxaws los pab koj. Hauv Hennepin County hu rau Youth Law Project ntawm Mid-Minnesota Legal Aid (612) 332-1441. Yog koj nyob rau lwm lub nroog, hu koj lub legal aid hoob kas hauv zos ntawm 1(877) 696-6529. Ntxiv ntawd, saib peb daim ntawv tseeb Kev Pab Kho Mob Rau Cov Tsis Tau Yog Xam Xaj.  

Tau!  Coob lub tsev kawm ntawv muaj khooskas rau cov niam txiv hluas.  Ib txhia muaj chaw zov menyuam.  Hu rau koj lub koog tsev kawm ntawv seb lawv puas muaj khooskas dabtsi pab koj.  Tsev kawm ntawv xaiv ntsej xaiv muag tsis tau vim koj cev xeeb tub lossis muaj tus menyuam.  Yog koj xav kawm ntawv nrog sawvdaws, lawv yuav tsum kam koj ua li. 

Yog tsev kawm ntawv tsis muaj chaw zov menyuam, coj mus rau lub chaw zov menyuam hauv zej zog.  Koj thov tau kev pab them zov menyuam thiab. 

Nws yog ib txoj kevcai los txiav txim siab seb tus menyuam leej txiv yog leejtwg.  Muaj 2 txoj kev ua qhov no: 

• Leej niam thiab txiv xee daim ntawv lees yog niam thiab txiv hu uas Recognition of Parentage. Lossis, 
   
• Yog leej txiv tsis xee daim ntawv, leej niam lossis leej txiv mam li ua ntawv kuaj seb puas yog txiv hauv tsev hais plaub.  Koj lub nroog qhov chaw them nyiaj hli yug menyuam “IV-D” mam li ua daim ntawv kuaj seb puas yog txiv hauv tsev hais plaub yog tsis paub txiv yog leejtwg.  Saib peb daim ntawv tseeb Txiv yog Leejtwg thiab Menyuam Nrog Leejtwg Nyob. 

Thaum paub leej txiv yog leejtwg lawm, tus menyuam muaj cai kom them nyiaj hli yug nws. Thaum leej txiv tas sim neej, tus menyuam txais tau khoom ntiag tug ntawm nws.  Yog leej txiv tas sim neej lossis xiam oob qhab, tej zaum tus menyuam muaj cai txais tau nyiaj Social Security.  Kuaj txiv yog leejtwg kuj tseem ceeb rau leej txiv.  Yog tsis ua, nws tsis muaj cai mus saib lossis hais kom tau tus menyuam nrog nws nyob.  Yog ua ntawv kuaj seb puas yog txiv lawm, mus nrog tus kws lij choj tham.  

Menyuam nrog leegtwg nyob txhais tau tias txiav txim siab rau tus menyuam.  “Sole custody” txhais tias tus niam los txiv txias txim siab rau tus menyuam.  “Joint custody” txhais tias niam thiab txiv sib koom txiav txim siab rau tus menyuam. Yog niam thiab txiv tsis sib yuav ces leej niam yog tus txiav txim siab rau tus menyuam, tshwj tsis yog lub tsev hais plaub txiav txiam lwm yam ntxawv. Tsev hais plaub yuav txiav txim seb tus menyuam nrog leejtwg nyob thiab leejtwg yog tus txiav txim siab txhua yam rau tus menyuam.  Piv txwv, tej zaum tsev hais plaub txiav txim tias tus mos liab nrog niam nyob, tabsis niam thiab txiv sib koom txiav txim siab uake.  Tsev hais plaub txiav txim tau txog leejtwg tau menyuam thaum sib nrauj, kuaj leejtwg yog txiv, ua ntawv tiv thaiv (OFP), lossis ntawv sib cais.

Yog niam tau tus menyuam, niam txiv sijhawm yog leej txiv txoj cai tuaj saib tus menyuam. Tamsim no tsev hais plaub muab sijhawm saib menyuam hu ua “niam txiv sijhawm” lawm.  Thaum paub txiv yog leejtwg lawm, leej txiv thov tau tsev hais plaub kom teem niam txiv sijhawm.  Tsev hais plaub tsis kam tau, tias kom yuav tsum ua raws tej txoj cai tso, nyob ntawm seb qhov twg yog qhov zoo tshaj rau tus menyuam.  Yog leej txiv muaj niam txiv sijhawm, leej niam yuav tsum cia nws xyuas tus menyuam, tsuas yog thaum muaj xwm txheej rau tus menyuam.  Niam lossis txiv ua ntawv mus hauv tsev haus plaub kom hloov tau niam txiv qhov sijhawm saib menyuam.  Saib peb daim ntawv tseeb Niam txiv Sijhawm Saib Menyuam thiab Niam txiv Kev Npaj.

Nyiaj hli yug menyuam yog them los ntawm tus niam txiv uas tus menyuam tsis nrog nyob.  Nws  them rau tus niam txiv uas tus menyuam nrog nyob.  Nws yog them los ntawm leej txiv lossis leej niam. Nyiaj hli yug yog nyob ntawm seb tus niam txiv them taus li cas thiab tus menyuam cov kev toobkas. Yog leej niam txiv yau dhau lawm, tseem kawm ntawv, lossis tsis muaj nyiaj, tsev hais plaub tsis kom nws them.  Tabsis tej zaum yuav yuam kom leej niam txiv mus nrhiav haujlwm, kawm haujlwm lossis ua lwm yam los pab them nyiaj hli yug menyuam yav tom ntej. 

Yog koj yog ib tug niam txiv hluas lossis yuav los ua ib tug niam txiv hluas, thiab xav paub ntxiv txog koj cov cai, tiv tauj:   

Hauv Hennepin County:
Youth Law Project
Mid-Minnesota Legal Aid
111 North 5th Street, Suite 100
Minneapolis, MN 55403

Hu: (612) 332-1441
Email: youthlawproject@mylegalaid.org

Yog koj nyob lwm lub nroog, hu koj lub legal aid hoob kas hauv zos ntawm 1(877) 696-6529. 

Saib peb phau ntawv, “Cov Cai Lawv Muaj thiab Lub Luag Hauj Lwm ntawm cov Khub Niam Txiv Muaj Menyuam es Tsis Tau Sib Yuav.” Koj nrhiav tau online ntawm www.LawHelpMN.org/hm

• Ntaus ntawv “Khub Niam Txiv Muaj Menyuam es Tsis Tau Sib Yuav” rau ntawm lub npauv tshawb
• Nias rau qhov “Cov Cai Lawv Muaj thiab Lub Luag Hauj Lwm ntawm cov Khub Niam Txiv Muaj Menyuam es Tsis Tau Sib Yuav.”

Koj mus muab tau cov ntaub ntawv luam ntawm koj lub hoobkas legal aid.